 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не чакаць парываў свабоднага брыза,
Не чакаць сьвятла сярод цёмнай начы.
Час рабоў і здрады. Эпоха Чынгіза.
Час дрыжачых мужчын і хлусьлівых жанчын.
І ў баі і ў каханьні вароцяць сьпіны.
Што ж рабіць? З году ў год лічыць барышы?
Для чаго? Ўся слава, віно і жанчыны
Суета сует і тамленьне душы.
Зарастае травою ў сумленьня ганак,
І ваююць даносам замест сьвінца.
Пасьля славы – наклёп, нуда – пасьля п'янак,
Пасьля здрады каханьня – туга да канца...
Да канца... Ўспаміны адносяцца роем...
Я адзін. Я адзін супраць тысяч стаю,
Клічу сэрцам збавіцельны полаг спакою,
Што закрые мне крыламі вочы ў баю.
1957
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
